Бүгін Шиелі ауданындағы “Руханият” орталығында «Музей TOUR: экспонаттар экспедициясы» кешенді жобасы аясында «Отырар» мемлекеттік археологиялық музей-қорығының «Отырар алқабының қалалық мәдениеті және тарихи-мәдени мұрасы» атты көшпелі көрмесінің салтанатты ашылу рәсімі өтті.
Көрмеге Отырар алқабының:
қалалық мәдениеті
тұрғындардың күнделікті тұрмысы
егіншілік дәстүрі
қолөнер мен сауда қатынастары
рухани өміріне қатысты археологиялық жәдігерлер қойылды.
Шараға аудан ардагерлері, зиялы қауым өкілдері, мектеп оқушылары және бұқаралық ақпарат құралдарының өкілдері қатысты.
Іс-шара соңында «Отырар» мемлекеттік археологиялық музей-қорығының ұжымына аудан әкімінің атынан алғыс хат пен арнайы сый-сияпат табысталды.
Көрме 17 наурызға дейін жалғасады.